رساله للى قاعدين فى بيوتهم

• لا اشك اطلاقا فى مدى وطنيتكم .. وحبكم للبلد والخوف عليها ..وانكم تتمنون ان تصبح مصر اعظم بلد فى العالم كله 
• اعلم جيدا ما يدور فى قلوبكم .. وما تقولونه فى بيوتكم ..من هولاء الشباب المتواجدين فى ميدان التحرير ماذا يريدون من مصر ..كفايه خربو البلد على حد قولكم 
• واعلم جيدا مدى القلق الذى تعيشون فيه .والقلق الذى تعيشون فيه وعدم شعوركم بالامان .. وان دائره استقراركم النى كنتو تعيشون فيها اصبحت مهدده الى حد كبير .. ولكن ما فائده الاستقرار بدون حريه وكرامه لكم ولاولادكم ..
• ولكن نرى على الجانب الاخر المتظاهرون فى ميدان التحرير 
• من المتواجد فى الميدان ::؟؟ شباب من كل فئات وطبقات المجتمع ..منهم الدكتور ..والمهندس ..والشيخ ..وشباب عاطل ايضا ..يبحث بكل الطرق عن بلد يعيشون فيه بكرامه وان تتوافر لهم فرصه عمل 
• شباب يريدونك ان تعيش فى حريه ..وكرامه التى افتقدموها على مدار سنين حتى اصبحتم تشعرون انها ليست اساس حياتكم ولكنا نوع من الترف 
• شباب يضحون بحياتهم ..لا يهابون الرصاص .. والضرب ..والتعذيب ..الم تسال نفسك ..لماذا شاب ممكن ان يضحى بحياته ..ويتعرض الى كل ذلك 
• هولاء الشباب ليست لهم مصالح او اهداف سياسيه ..يريدون فقط ان يعيشون فى حريه ..وكرامه ...ويريون ان تصبح مصر حره مرفوعه الراس 
• يا من تجلسون فى بيوتكم ..وتنتقدون الشباب المتواجدين فى التحرير ..اليس هولاء الشباب الذين ضحو بحياتهم فى سبيل رحيل الطاغيه مبارك ... الذى فى عهده اصبحتم لا تمملكون قوت يومكم ..والذى سرقكم .. ونهب بلادكم 
• وهولاء الشباب يكملون مسيرتهم فى تطهير مصر بدمائهم لرحيل كل طاغيه مستبد .. لنعيش فى حريه وكرامه ..ومن اجل مستقبل افضل لبلادنا 
• كنت قبلا مثلكم ..لا اعرف الصوره كامله ... اثناء ثوره 25 يناير ..كنت متخبطا فى كثير من الاحيان .. افكار متضاربه ... لا اعرف انن كان هولاء بلطجيه كما يصور لنا الاعلام ..ولكنى بعد عودتى من عزلتى التى كنت موجود فيها فى بيتى ..ورايت هولاء الشباب عرفت انهم اطهر الشباب ..وانقاهم على الاطلاق لم يهابو الموت ..فى سبيل تحرير مصر .. عرفتهم وندمت على كل كلمه صدرت عنى فى حق هولاء ..
• ولكن عليكم الان ..ان تذيلو عنكم العار الذى اصابكم ..لعدم مشاركتكم ..فى ثوره 25 يناير ...وان تنزلو بعد ان وضحت الصوره امامكم .. وان كنتم لا ترغبون فى ذلك .. فاطلب منكم الدعاء لنا .. ولبلدنا وليس الدعاء علينا ..واطلب منكم راجيا تسعو جاهدين لمعرفه الحقيقه ..الواضحه ..والتى لا يريد القائمين على السلطه ( المجلس العسكرى نقلها اليكم خوفا على مصالحهم .. كما فعل مبارك من قبل 
• 
  

مبارك مازال يحكُم

أستبدلنا مبارك بصوره مماثله تماما له ..بل وأسوأ منه فى طريقة التفكير والعقل ..استبدلناها عن طريق تفويض من رئيس مخلوع ليس له الحق فى اصدار اى قرارت بعد عزله .. ولكن ارتضى الشعب مخطئا هذا التفويض فى بادئ الامر ,,على أمل ان يلمس التغير المنشود ..وان يسعى المجلس العسكرى فى تحقيق اهداف ثورته المجيده ..ولكن لم نلمس اى تغير على مدار ما يزيد عن عشرة شهور ..بل وجدنا ان المجلس العسكرى هو الثوره المضاده --يعمل جاهدا على اجهاضها .. ويقتل فى داخلنا الامل ..وما فعله المجلس العسكرى اسوأ مما فعله مبارك نفسه .. ولنرى ما فعله
1-حكُم على اكثر من 12 الف مدنى محاكمات عسكريه وهذا العدد فاق بكثير عدد المحاكمات العسكريه ..والمعتقلين فى امن الدوله فى عصر مبارك
2-نفس النهج الذى اتبعه مبارك فى معالجه حوادث الفتنه الطائفيه ..وعقد الجلسات العرفيه ..وضياع حقوق من اعتُدى عليهم ..وعدم سياده دوله القانون
3-العداله الاجتماعيه والتى كانت من اهم مطالب الثوره .. لم نلاحظ اى تغير او اصدار قانون يحدد الحد الادنى والحد الاقصى للاجور ..
4-اصدار قوانين لمنع الاعتصامات .. والعمل على فض هذا الاعتصامات بالقوه ..وما نتج عنها من شهداء ومصابين
5-وان كان مبارك استعان بالبلطجيه فى الانتخابات ..فالمجلس العسكرى استعان بالبلطجيه فى فض المظاهرات .
6-ضيق المجلس العسكرى على الاعلام ..ونجد ذلك فى اقتحام مقراتهم ..وتكسير الكاميرات الخاصه بهم .. ومازال الاعلام الحكومى يعبر عن ما يريده العسكر ويصقف لهم ..ويعمل على تشويه صوره الثوار
7-مازلنا نجد مبارك وهو يتكلم وينفرد برايه دون مشوره .. ويتحدث عن الاخطار التى تواجه مصر فى الداخل والخارج ..ليجعل الشعب خائفا متمسكا به كبديل ااما انا او الفوضى
8-لقد اعلن مبارك انه لم يصدر تعليمات باطلاق الرصاص على المتظاهرين ..واسف على سقوط شهداء ومصابين .وها هو المجلس العسكرى يعيد فى كل تصرريح وبيان نفس الكلام
9-مبارك اعلن  انه سوف يبقى فى الحكم 6 اشهر وانه سوف يقوم بتعديل بعض مواد الدستور ..وانه ذاهدا عن السلطه ولم يكن ينتوى الترشح لفتره رئاسيه اخرى ...
-المجلس العسكرى يقوم بتعديل نفس المواد االتى اشار اليها مبارك ..وانه سوف يسلم السلطه الى رئيس مدنى فى موعد اقصاه 6 اشهر ..وانه ذاهد ايضا عن السلطه
10-المجلس العسكرى فاق مبارك فى قمعه وحشيته باعتماده على كل من الجيش والشرطه بعكس مبارك الذى اعتد على الشرطه فقط
11-المجلس العسكرى عرى مصر بالكامل وكشف عن جسدها ونهشها بل واغتصبها  وجعلها ذليله مكسوره يوم قام بالكشف على عذريه الفتيات ..وتجريد الفتاه من ملابسها وسحلها فى احداث مجلس الوزراء
12-واخيرا يسقط يسقط حكم العسكر ..والى خلف (مبارك) ما متش (المجلس العسكرى وعلى رأسهم طنطاوى


ماركو عجايبى
رئيس الجمهوريه 2031-2035

ركز معايا من فضلك

بسم الله الذى نعبده جميعا

ااخى المسلم اختى المسلمه ....السلام عليكم ورحمه الله وبركاته ...بعد السلام والتحيه ,احب ان اوضح لسيادتكم امورا هامه كثرت فيها الاقاويل فى الايام السابقه ,وانتشرت الشائعات من شهود عيان يحتاجون الى العلاج,انه يوجد فى الكنايس والاديره اسلحه ..لذلك يجب علينا توضيح الحقيقه ,بانكم كنتم محقون فيما تدعون ولا تكذبون ولا ترمون احدا باطلا بل ان الكنايس والاديره يوجد بها سلاحا فتاك واقوى من جميع الاسلحه التى عرفها البشر منذ قديم الزمان .وهوا صلاح الصوم والصلاه ..الذى يمارسه الكهنه والاقباط بوفره لصد هجمات الاعداء وللخروج من الشدائد والضيقات لانهم يومنون انه لا يوجد سلاح اقوى من هذا 

اسمعك جيدا اخى المسلم اختى المسلمه وانتم تتهامسون فيما بينكم بان هذا الكلام فارغ بل وانه بالحقيقه توجد اسلحه داخل الكنائس لذلك يجب عليا انا اطرح عليكم بعض الاسئله :

هل ذهب احدكم الى الكنايس ليس بقصد التعبد ولكن لتهنئه احد جيرانكم فى عرس ابنهم ووجدتم احدا يحمل سلاحا؟؟

هل ذهبتم الى الاديره الاثريه بقصد السياحه ووجدتم احد الرهبان يجلس ماسكا الالى فى يديه ؟؟

هل عندما هجم الرعاع على كنيسه صول اطفيح بمحافظه حلوان وجدو بداخلها اى اسلحه ؟؟

هل وجدت المباحث والنيابه عند معاينتها لكنيسه القديسين فى الاسكندريه اى اسلحه؟؟

هل استخدم الرهبان العزل سلاحهم المخبأ فى دير الانبا بيشوى عندما قامت القوات المسلحه الباسله بهدم السور وضرب النار ودانات المدافع عليهم ؟؟

لماذا كل هذه الحراسه المشدده اامام الكنايس اذا كان الاقباط معهم سلاحا ويستطيعون حمايه انفسهم ؟؟

احبائى لقد كان جهاز مباحث امن الدوله سابقا الامن الوطنى حاليا يعلم جيدا بكل صغيره وكبيره عن حياتنا وعن الكنايس والاديره ولعلنى اتذكر جيدا انه عند مداهمه مقرات مباحث امن الدوله وجد بداخلها اذن لتصليح حنفيه بداخل احدى الكنايس ..فكيف لا يعلمون بالاسلحه اذ كانت موجوده ؟؟!!!

وضد من سوف يستخدمون هذه الاسلحه ضدكم !!! لقد قال الكتاب المقدس احبوا اعدائكم وانتم ليسو با اعداءا ولكنكم اخواتنا وشركائنا فى وطننا العزيز مصر ..

وان كنتم لا تصدقونى بعد كل هذا ومازالت الوسواوس فى داخلكم تطاردكم وتريدون ان تتاكدو بانفسكم .انا على أتم ألاستعداد ان اذهب معكم فى رحله ترفيهيه لكل الاديره والكنايس فى ربوع مصر وسيرحب الاباء الكهنه والرهبان بذلك وسوف تشاهدون كم الموده والمحبه التى يكنوها لكم ولبلدنا العزيز مصر واخيرا اطلب اليكم ان تصلو من اجل بلادنا لكى يعمها الخير 

والسلام عليكم ورحمه الله وبركاته

اخوكم ماركو عجايبى زكى

http://twitter.com/#!/marcoagaiby

كاميليا

كاميليا شحاته

قبل ما كتب عن رأى عن الموضوع ده يا ريت كله ينسى انى اسمى ماركو اعتبرنى اسمى توفيق او مجدى اسم كدا بين البينين ينفع يكون مسيحى وينفع يكون مسلم علشان محدش يقول انى بكتب علشان هيا مسيحيه..

التعريف بالمقدسه او الحاجه كاميليا شحاته : هي امرأه فى العقد الثالث او الرابع من عمرها متزوجه من كاهن ..

وفجاه اصبحت هذه المرأه هيا الشغل الشاغل لجميع المصرين ..ف اول من خرج فى مظاهرات من اجلها هما المسيحين واول من خرج فى مظاهرات من اجلها هما السلفين ..اذن المسيحين والسلفين ايد واحده ..علشان هما الاتنين خرجوا لهدف واحد ...ولنفس السبب ..المسيحين كانو فاكرينها انها اتخطفت ..طاب اتخطفت ليه يا اولاد علشان هيا مراه كاهن واكيد المسلمين عاوزين يخلوها تأسلم ويبقى كدا اتضربنا فى مقتل بس على مين ؟ هنهتف ونعلى ونتظاهر لحد ما امنا كاميليا تيجى ..وبروح بالدم نفديكى يا امنا ...والى ساعد على هذه الافكار قدس ابونا جوزها ...وبعدها خرجت مظاهرات تانى من السلفين ..بيشاركو اخواتهم المسيحين وبيقولو ..واحد اتنين اختنا كاميليا فين ...ما اجمل هذه الوحده الوطنيه والمشاركه الوجدانيه احبائى .....المهم ....كاميليا شحاته بعد عملو بلاغ اختفاء وبعدها رجعت لجوزها دى فيها حاجه يا شباب ؟ لحد دلوقتى لأ ..طلع بعدها كللام انها راحت الازهر وكانت عاوزه تشهر اسلامها ...بس جات تعليات من امن الدوله انها تتمنع من كدا ..؟ يعنى هيا كانت عاوزه تأسلم والامن منعها ...يعنى ايه ..يعنى الاغلبيه تكون مسلمه فى بلد زى مصر و واحده بتضطهد دينيا ومش عارفه تشهر اسلامها ؟؟ يجيى رد شيخ الازهر ويقول انها مجتش الازهر ..ولا كانت عاوزه تشهر اسلامها ..ويجى الدكتور سليم العوا ويقول انها عمرها ما بقيت مسلمه وهيا مسيحيه ...والى معيعرفش الدكتور سليم العوا الراجل ده صاحب مقوله انى الكنايس والاديره فيها اسلحه ...؟ طاب ده كلام  حلو ايه الى حصل الموضوع خلص فى ايه تانى ليه الصداع ده ؟

اقولكم :السلفيين قالو لأ هيا مسلمه وشنوده مخبيها فى السجون داخل الاديره وفجأه عملولها فوتوشوب وخلوها تلبس حجاب ..لو انى شايف كان من الافضل تلبس النقاب زياده فى الحشمه والتعفف ...؟طاب وبعدين الست دى فين ؟

كاميليا تتطلع فى فيديو انتشر على اليوتيوب بتقول انها مسيحيه ..وانها متخطفتش ولا حاجه دى خلافات حصلت بينها وبين جوزها وبعدها محدش ليه دعوه بحياتها الشخصيه ...ده كلام سليم وحلو اوى ..كدا بقى الناس ارتاحت.

السلفيين : لأ هيا مجبره تقول الكلام ده اكيد الكلام ده تحت تهديد ....لأ مش هيا دى كاميليا شحاته دى واحده شبها ..كان الناس الى بتقول كدا كانت قاعده ليل نهار مع الحاجه كاميليا ...طاب وايه العمل ؟

السلفين مش هنسكت لازم نخلص اختنا كاميليا من قبضه الكفار ..هتعمل ايه يا شيخ الزغبى والله والله والله اذ لم يتم الافراج عن كاميليا خلال الايام لنزحف فى اتجاه الاديره لخروج اخواتنا المتأسلمات .....طاب وبعدين التهديد منفعش نعمل ايه ...احنا انشاء الله بعد صلاه الجمعه نتجه ناحيه الكاتدرائيه ونحاوطها ونصلى كمان قدامها ..يمكن يخافو ويطلعوها ..صلو قدامها لو انى انا شايف انى المفروض كانو يتظاهروا قدام مثلا وزاره الداخليه او مكتب النائب  العام ..او ماسبيرو أو....أو....اماكن كتير اوى يا رجاله يعنى محبكتش قدام الكاتدرائيه ...طاب وبعدين لسه مطلعتش ..وكمان البابا شنوده مرضيش يستلم طلب النيابه لظهور كاميليا شحاته ..وكيل النيابه الى عمل الموضوع ده غالبا داخل نيابه بالواسطه ..هيا كاميليا دى مش ليه جوزها ..او بيت علشان  يتقدملو طلب النيابه ..والله حاجه غريبه ؟؟

طاب احنا عاوزين كاميليا تخرج وتظهر وانتا مين انتا يا عم الى تطلب من واحده انها تخرج او تظهر ..هى مش مجبره بسبب هواجس جواك انها تخرج او تظهر ..؟

المهم ...هما الاقباط هيسكتو على محاصره الكاتدرائيه ؟؟ لأ مش هنسكت مظاهره مليونيه قدام الكاتدرائيه للرد على السلفين ...طاب وبعدين .....

احنا خلاص ..بنينا البلد ..قضينا على البطاله ...اقتصادنا قووى ....الامن مستتب ...الفلوس بتجرى فى ايدين الواحد مش عارف يوديها فين ...المستشفيات زى الفل ...الشعب كله فرحان ...مش فاضل بس غير مشكله بسيطه اووى .....الحاجه او المقدسه كاميليا ........مش كفايه ونركز ..مش كفايه ونشوف شغللنا ...والسلفين الى بيطالبو بظهور كاميليا ..ممكن يطالبو بالعمل ساعه اضافيه علشان نزود الانتاج ...البلد تولع علشان واخده ولا هتزود فى الاسلام ولا المسيحيه ...والدين فى القلب مش على البطاقه يعنى مسلمه فى قلبها او مسيحيه فى قلبها حتى لو الواقع عكس ذلك...

كفايه بقى ونركز شويه ...كفايه بقى بدل ميحصل الى انا مش بتمناه ...الاتنين يتقابلو فى وش بعض فى مظاهرتين عكس بعض وتبقى فتنه قذره ...وزى ما اجنمعنا على شى واحد وهوا كاميليا نجتمع على شئ واحد وهو انى البلد تبقى احلى وبكدا يبقى المصريين كلهم بقيو ايد واحد .

واخيرا....قلب الوطن مجروح لا يحتمل اكتر ..